ദിവ്യമായ എന്തുണ്ട്. ദിവ്യം എന്നാൽ, എന്താണ് മനസ്സിലാക്കേണ്ടത്. കലർപ്പില്ലാത്ത എന്തോ, അത് എന്തും ആകട്ടെ, അതാണ് ദിവ്യം. അങ്ങനെ നോക്കുമ്പോൾ, പ്രണയം ദിവ്യമാണോ, സൗഹൃദ ബന്ധം ദിവ്യമാണോ. ഒരിക്കലും പറയാൻ സാധിക്കില്ല. ബന്ധങ്ങളുടെ നിലനിൽപിനായി നമ്മൾ പലപ്പോഴും ഈ പറഞ്ഞ ബന്ധങ്ങളിൽ പലതും കളർത്തുന്നു. ആ ദിവ്യത്വം നമ്മളാൽ കളങ്കപ്പെട്ട് പോകുന്നു. കളങ്കപെട്ടാൽ അതെങ്ങനെ ദിവ്യമാകും.
ഏതൊരു ബന്ധത്തിന്റെയും അടിസ്ഥാനം, അത് കളങ്കപ്പെടാത്ത ഒന്നായിരിക്കണം എന്ന് എല്ലാവരും ആഗ്രഹിക്കുന്നു. എന്നാലോ കാലം കഴിയും തോറും, അത് നിലനിർത്താൻ നമ്മുക്ക് സാധിക്കാറുണ്ടോ.
കൊച്ചു കൊച്ചു തെറ്റുകൾ, ചെറിയ ചെറിയ കള്ളങ്ങൾ. അപ്പോഴത്തെ ഒരു ചെറിയ നിലനിൽപ്പിനായി നമ്മൾ പറഞ്ഞു പോകുന്നു. അവിടെ വിശ്വാസ്യത നഷ്ടപ്പെടുന്നു. പിന്നീട് നമ്മൾ നട്ട ഈ വിത്ത് വളരുന്നു. ആവർത്തിക്കപ്പെടുന്ന ഓരോ തെറ്റുകളും ഈ വിത്തിന് വളമാകുന്നു. ആ ബന്ധത്തിന് ഒരു മറ എന്നവോളം അത് വളർന്ന് വലുതാകുന്നു. ഇതിനെ വേരോടെ പിഴുതെറിയാൻ ഒരു അവസരം പലപ്പോഴും ലഭിച്ചിട്ടുണ്ടെങ്കിലും, വീണ്ടും ഉള്ളിലെ ഭയം അതിനെ തടുത്തു. ആ വിത്തിനെ വളരാൻ അനുവദിച്ചു. എന്നാലോ ഇപ്പൊൾ ഒന്നും ചെയ്യാൻ കഴിയാത്ത അവസ്ഥയാണ്. അന്ന്, ആ കൊച്ചു തെറ്റ് സംഭവിക്കാതെ പോയിരുന്നേൽ എന്ന് നമ്മൾ ആഗ്രഹിച്ചു പോകുന്ന ഒരു അവസ്ഥ വരും. അന്ന് നമ്മൾ തിരിച്ചറിയും, നമ്മളാൽ അ ദിവ്യത്വം കളങ്കപെട്ട് പോയി എന്ന്.
രണ്ട് സുഹൃത്തുക്കൾ. രണ്ടു പേരും വ്യത്യസ്ത സാഹചര്യങ്ങളിൽ നിന്ന് വളർന്ന് വന്നത് കൊണ്ട് തന്നെ, അവർക്ക് ഉള്ളിൽ നല്ല അന്തരം ഉണ്ട്, പണം കൊണ്ടാകാം, ജീവിത സാഹചര്യങ്ങൾ കൊണ്ടാകാം, അങ്ങനെ പലതും. ഇവർ രണ്ടുപേരും സുഹൃത്തുക്കൾ ആകുന്നത് ചിലപ്പോൾ ഒരു തുണയായി വേറെ ആരും ഇല്ലാത്തത് കൊണ്ടാകാം. ഒരാൾ കൂട്ടിന് ഉള്ളപ്പോൾ ഒരിക്കലും തനിയെ ആകേണ്ടതില്ലാലോ. നഷ്ടപ്പെടാൻ രണ്ടു പേരും തയ്യാറും അല്ല. എന്നാലിപ്പോൾ രണ്ടു പേരും തമ്മിൽ നേരിൽ പോലും നോക്കാത്ത അവസ്ഥ ആണ്. കാരണം വേറെ ഒന്നും അല്ല, കാലം കഴിയും തോറും എല്ലാം മനസ്സ് തുറന്നു പറയാൻ പറ്റി എന്ന് വരില്ല. മനസ്സിൽ ഒളിപ്പിച്ച പ്രണയം എങ്ങനെ അവതരിപ്പിക്കും എന്ന് അറിയാതെ പകച്ചു പോകുന്ന നിമിഷങ്ങൾ. അപ്പൊൾ നേരിട്ട് കണ്ട് സ്വസ്ഥമായി ഒന്ന് സംസാരിക്കാൻ ഉള്ള ധൈര്യം നഷ്ടപ്പെടും. അവിടെ വിതച്ച വിത്ത് ബന്ധത്തെ അകറ്റുന്നു. മരിച്ചാലും വിട്ടു പോകില്ല എന്ന് പറഞ്ഞ ബന്ധം ഒരുനിമിഷം കൊണ്ട് അറിയാതെ വിതച്ച പോയ വിത്ത് കൊണ്ട് നഷ്ടമാകുന്നു. ബന്ധങ്ങൾ വിലപെട്ടത് തന്നെ. അത് നിലനിർത്താൻ നമ്മൾ ആത്മാർത്ഥമായി തന്നെ ശ്രമിക്കണം. ഒരു ചെറിയ തെറ്റ് കൊണ്ട് പോലും അത് കളങ്കപ്പെടാൻ അനുവദിച്ചു കൂടാ. അങ്ങനെ ചെയ്താൽ അതെങ്ങനെ ദിവ്യം ആകും.
Comments
Post a Comment